അവളുടെ കറുത്ത മുടിയിഴയുടെ കുരുക്കുകളില്
വിയര്പ്പ് ചാലിച്ച സിന്ദൂരത്തില്
വിടര്ന്നു വിളറിയ കണ്ണുകളില്
ഒടുവില് വീണ കണ്ണുനീരില്
ചുണ്ടില് പുരണ്ട ചായത്തില്
ചുളിവു വീണ ആടയുടെ നിഴലുകളില്
ഇനിയും വിട്ടു പോകാത്ത
ഇടനെഞ്ചിലെ ചൂടിന്റെ വാസനയില്
എവിടെയാണ്
അവള് അവനെ ഒളിപ്പിച്ചിരുന്നത്?
രതി എത്ര മുട്ടി വിളിച്ചിട്ടും തുറക്കാത്ത
മനസ്സിന്റെ ഏത് ഇരുട്ടറയിലാണ്
അവള് തന്റെ
ജാരനെ ഒളിപ്പിച്ചിരിക്കുക?
picture(c)tumblr
No comments:
Post a Comment