“മനോ, നീ ടോറസ് രാശിയാണ്. വാശിയുള്ളവന്, സ്നേഹമുള്ളവന്, മണങ്ങളെ ഒരുപാടിഷ്ടമുള്ളവന്!
ചേതമില്ലാത്ത ഒരുപകാരം ചെയ്തു തരാമോ? എനിക്കൊരു മണം വേണം. എനിക്ക് ഒരുവിധപ്പെട്ട ഒരു പെര്ഫ്യും മണവും ഇഷ്ടമല്ല. ചിലരെ ഓര്ക്കുമ്പോള് അവരുടെ പെര്ഫ്യുമിന്റെ ദുര്ഗന്ധമാണ് ഓര്മ്മ വരിക.
അപ്പോള് മണങ്ങളുടെ രാജകുമാരാ, എനിക്കൊരു മണം വേണം. എന്റെ സ്വഭാവത്തിന് ചേരുന്ന, ചെറിയ ഒരു സുഗന്ധം.”
“കമലയ്ക്ക് പറ്റിയ ഒരു മണമുണ്ട്. പക്ഷെ അവിടെ കിട്ടുമോ എന്നുറപ്പില്ല. ഞാന് നാട്ടില് വരുമ്പോള് കൊണ്ട് വരാം”
ഞാന് അയാള് പറഞ്ഞ പേര് അപ്പോള് തന്നെ amazon–ല് തിരഞ്ഞു. “കിട്ടിപ്പോയി, നീല കുപ്പി അല്ലേ?”
“അതേ, ലൈക് യു, sensitive and sensual. എനിക്കുറപ്പാണ് അത് കമലയ്ക്ക് ചേരും”
“അതേ, ലൈക് യു, sensitive and sensual. എനിക്കുറപ്പാണ് അത് കമലയ്ക്ക് ചേരും”
അയാള് ആ മണത്തെക്കുറിച്ച് വിവരിക്കാന് തുടങ്ങിയപ്പോള് ഒരു ചെറിയ സുഗന്ധം ചുറ്റും പരന്നു. അതെങ്ങനെയാണ് എനിക്കൂഹിക്കാന് പറ്റുന്നത്? ഞാന് പുഞ്ചിരിച്ചു കൊണ്ട് സ്വയം കളിയാക്കി, പ്രാന്തിപ്പെണ്ണ്!!
രണ്ടു മാസങ്ങള്ക്ക് ശേഷം ഒരു ദിവസം അതേ മണം എനിക്കു ചുറ്റും വീണ്ടും പരന്നു. എന്റെ നീല മണം....
ഞാന് മണം പിടിച്ച് ആളെ കണ്ടു പിടിച്ചു.
“ഏതു പെര്ഫ്യുമാ ഇത് ആമിനാ?”
“പേരോര്ക്കുന്നില്ല, വാപ്പച്ചി ദുബായീന്ന് കൊണ്ട് വന്നതാണ്”
“ഏതു പെര്ഫ്യുമാ ഇത് ആമിനാ?”
“പേരോര്ക്കുന്നില്ല, വാപ്പച്ചി ദുബായീന്ന് കൊണ്ട് വന്നതാണ്”
“ഒരു നീല നിറമുള്ള ബോട്ടിലാണോ”
“അതേ, മിസ്സിനെങ്ങനെ അറിയാ, മിസ്സിനുണ്ടോ ഇതേ പെര്ഫ്യും ? നല്ല മണം ലേ “
“എനിക്കില്ല, പക്ഷെ എങ്ങനറിയാം എന്ന് പറഞ്ഞാല് നീ വിശ്വസിക്കില്ല”
“അതേ, മിസ്സിനെങ്ങനെ അറിയാ, മിസ്സിനുണ്ടോ ഇതേ പെര്ഫ്യും ? നല്ല മണം ലേ “
“എനിക്കില്ല, പക്ഷെ എങ്ങനറിയാം എന്ന് പറഞ്ഞാല് നീ വിശ്വസിക്കില്ല”
ഞാന് ആ നീല മണത്തിന്റെ പേരും കഥയും പറഞ്ഞു. ഞങ്ങള് ഒരുമിച്ച് ഒരു പോലെ അത്ഭുതപ്പെട്ടു.
അവിശ്വസിനീയമാണെങ്കിലും ആ നീല മണം എന്റെ മണമായത് അങ്ങനെയാണ്.
അവിശ്വസിനീയമാണെങ്കിലും ആ നീല മണം എന്റെ മണമായത് അങ്ങനെയാണ്.